os direitos trans som os direitos de tod@s
As compas do Bloque Alternativo por la Liberación Sexual convocam mobilizaçom em defessa dos direitos trans:
Trás as eleiçons gerais de 2004 algumhas associaçons de transsexuais iniciamos um processo de negociaçom com o actual governo em demanda da inclussom do tratamento sanitário da transsexualidade no Catálogo de Prestaçons do Sistema Nacional de Saúde, recolhido no Programa Eleitoral do partido socialista (página 32). Já no começo dos contactos o governo mostrou claramente umha posiçom contrária a tramitar o compromisso, chegando mesmo a ocultar-nos o informe sobre transsexualidade elaborado em 2002 pola Agencia de Evaluación de Tecnologías Sanitarias del Instituto de Salud Carlos III, favorável à inclussom do tratamento integral (“se ha extraviado, no lo encontramos” apontavam). Durante toda a legislatura as pegas por parte do governo e do partido "socialista" para obstaculizar qualquer avanço nesta matéria forom múltiplas e constantes.
Ao se reactivar a "negociaçom" por diversas iniciativas do movimento associativo trans, o Ministério de Sanidade propóm umha soluçom parcial consistente na designaçom de um ou vários Centros de Referência Estatal, que centralizariam a prestaçom sanitária trans. Esta proposta discriminaria às pessoas transsexuais que vivam alonjadas dos poucos centros de referência que se designem. A soluçom que o colectivo demanda consiste em acercar a atençom primária aos centros de saúde correspondentes ao domicílio dos solicitantes, que de facto já se está a realizar na prática, mas de jeito nom oficial, com as conseqüentes carências e dificuldades.
Especialmente chamativa seria a discriminaçom que suporia esta "oferta" para as pessoas que sofrem precariedade económica e nom podem afrontar os enormes gastos que supòm o traslado e a estância de vários dias no Centro de referência.
Esta situaçom de discriminaçom tivo e está a ter dolorosas conseqüências para as pessoas transsexuais que optam polo auto-tratamento, com o perigo de sofrer graves conseqüências para a sua saúde (subas de prolactina, tumores na hipófise, injecçons de silicona líquida que no pior dos casos se saldam com a morte, etc…)
Por outra parte o movimento LGTB oficialista em conivência com as servidumes contraídas com o governo socialista confundem à opiniom pública ao aplaudir a proposta de Sanidade como a soluçom acertada.
Consideramos inadmissível esta situaçom e como pessoas e colectivos que nos sentimos cercanos aos direitos das pessoas transsexuais, animamos-vos a que o próximo 16 de novembro apoiedes e dinamizedes a concentraçom frente à sede do PSOE em Madrid ao objecto de vissualizar estes direitos e contribuirmos à mudança de posturas.
http://aceradelfrente.blogspot.com/
As maribolheras fazemos nossas estas reivindicaçons exigindo também a despsiquiatrizaçom e despatologizaçom das identidades trans. Apoiamos a concentraçom do Bloque Alternativo e nos somaremos activamente às próximas mobilizaçons que se proponham entorno a este tema. Este mesmo venres, as maribolhis teremos um 1º encontro com as compas de Transgaliza para intercambiar impressons e desenhar as possíveis acçons a levar adiante.
