MariBolheras Precárias

Durante semanas, diversos comerciantes da Área Comercial Obelisco levam semanas caldeando o ambiente contra os vendedores sem papéis que trabalham a diário na Rua Real. Que se dam má imagem, que se lhes tapam os escaparates, que se som ilegais, que se a polícia nom fai nada, que se nom tenhem papéis, que se bla, bla, bla.

O perigo e o intolerável de todo isto nom está tanto no que dim como no que subjaz a esse discurso: isso é realmente o que nos preocupa. Pedir a gritos a intervençom policial contra umhas pessoas que tratam de ganhar-se a vida como podem implica outras qüestons. Implica associar migraçom com delinqüência. E nós dizemos, a migraçom é um direito (ou umha necessidade) universal, nom um delicto.

Em todo o ocorrido hai racismo e fascismo. Por que nom denúncia Antonio Amor (presidente da AC Obelisco) a situaçom de exclussom intolerável na que estám essas pessoas sem papéis, por que nom reivindica os direitos que devem ter?

Porque nom lhe importa. Nom lhe importa a penúria que estám a passar estes rapazes senegaleses para poder enviar às suas famílias algo co que ir subsistindo. Claro, o que importa é a "boa imagem" da rua. Mui boa imagem nom está a colher, desde logo, com declaraçons como as de Antonio Amor.

Também hai muita hipocrisia. Estamos seguras de que se a polícia entrara durante a rázzia nalgum desses comércios estaria soando no fio musical mais dumha cópia pirata.

PILI CARRERA É ILEGAL!

A acçom policial do outro dia, que se saldou coa detençom de 12 migrantes nom só nom acalou as vozes dos curuñesesdetodalavida da pailana Rua Real, senom que os envalentonou. Antonio Amor alegrava-se das detençons e ameaçava cum "apagom de toda a rua" como os migrantes volvesem...

que vam apagar? os escaparates? que os apaguem!!!

Hoje perto dum cento de pessoas concentramo-nos na Rua Real, e colgou-se umha faixa que chamava ao boicote à Área Obelisco. Alguns dos empressários "gallitos" que se "lucirom" coas declaraçons mais fascistas aos média, como o propietário de "FOSCO", hoje fechava as suas portas ao passo da manifestaçom. A gente concentrou-se posteriormente diante do jornal La Opinión, que fixo de altavoz, e sem o mais mínimo equlíbrio nem contraste, das declaraçons mais exaltadas. O director do jornal deveria fazer autocrítica da sua linha editorial neste tema.

Devemos seguir pressionando. Individual e colectivamente. Devemos mobilizar-nos para se sintam incómodos, que isto tenha um custo nas suas vendas. E os associados da Área Comercial Obelisco deveriam solicitar a demissom do seu presidente, se nom querem ver-se representados nas declaraçons desse senhor.

Já sabedes onde nom comprar

A Rua (Real) é de todas. Também d@s clandestin@s!