MariBolheras

fotos das maribolheras

mais fotos em: http://www.flickr.com/photos/mvazquez

http://www.flickr.com/photos/30193703@N07/sets/72157617190763986/

Hai nom muitos anos algumhas de nós jogávamos na zona dos pelámios mentres as nossas nais tomavam o sol. Existia todo um pequeno ecosistema de litoral, paralelo a umha zona de monte asilvestrado com fontes naturais, regatos, aves….a gente colhia mexilhons nas rochas. Alguns vizinhos tinham chalanas de madeira com as que pescavam na ria…era umha zona cheia de natureça e cheia de vida de bairro, comunitária. Mas chegou o “passeio marítimo” com o que se que pretendia “abrir a cidade ao mar”. A vida desapareceu em favor dumha estrada rápida para o tráfico adornada cumhas farolas tam horteras como as mentalidades dos nossos governantes.

O bairro de Atochas-Monte Alto seguiu um processo paralelo. As nossas ruas som cada vez mais obscuras porque forom colonizadas por edifícios altíssimos. Edifícios novos, caríssimos e baleiros, porque nom hai quem poda aceder a essas vivendas. Cada vez hai menos espaços públicos. Agora ameaçam com curtar as ârvores do Campo da Lenha porque dim que estám enfermos. Enfermos estám os responsáveis de parques e jardins destes anos do Concelho da Corunha. Enfermos de ineptitude por nom ter tratado em todos estes anos as plagas. Enfermos todos eles: de pailanismo agudo, de ignorância, de irresponsabilidade urbanística, de comchabeo suspeitososo com construtores e imobiliárias. E agora vam destroçar um dos poucos núcleos tradicionais que quedam do histórico bairro das Atochas:

“As Atochas en perigo de extinción”

Apartir do ponto onde finalizava A batalha dos gêneros em 2007, a investigaçom sobre práticas de gênero na arte contemporânea de Juan Vicente Aliaga continua referindo-se à história da arte de gênero GLTB –gai, lésbica, transsexual e bissexual- como umha história da arte de gênero mais radical na que se resituam como práticas fundamentais na expanssom do marco artístico. Umha exposiçom ambiciosa e discursiva que ocupará dous andares do centro.
Do 14-15 de maio ao 20 de setembro

Ademais teremos a sorte de escuitar a activistas e artistas nos dias 18, 19 e 20

18 de maio de 2009

17 horas – Conferência Beatriz Preciado
19 horas - Mesa Redonda
Maribolheras Precárias
Gracia Trujillo
Mili Hernández

19 maio 2009
17 horas - Conferência Catherine Lord
19 horas - Mesa redonda
Akram Zaatari
Sunil Gupta
Henrik Olesen

20 maio 2009
17 horas – Conferência Frank Wagner
19 horas Mesa redonda
Ins A Kromminga
Helena Cabello/Ana Carceller
Del LaGrace Volcano

O projecto tem prevista a sua inauguraçom  14 ou  15 de maio de 2009, e está estruturado entorno a diferentes secçons:

1.- Anos 60-70. Paradiso sexual.
2.-Anos 80. Sida, militância.
3.- Anos 90 – S. XXI:
3.1 Transformaçom, perfomatividade…
3.2 Espaço público
3.3 Amizade, parelha
3.4 Desejo e os seus límites
3.5 Cultura de massas…
3.6 História e memória
4.- S. XXI: LGBTQ no mundo global.-A persistência do ódio e outras qüestons morais. As realidades LGBTQ noutras culturas

temos un evento no facebook  sobre este proxecto do CGAC, apóntate ja!
http://www.facebook.com/home.php?ref=home#/event.php?eid=67391131145

O 12 de abril morria aos 58 anos Eve Kososfsky, teórica queer e autora -entre outros trabalhos- de Epistemologia do Armário. Um cancro diagnosticado no ano 91 mudou-lhe a vida como a tantas outras, mas nom por isso deixou de desfrutar da vida. Ao contrário, forom 18 anos de vida intensa, de vida radicalmente reformulada. Se hai algo neste mundo que se poda chamar transcendência isso é o seu trabalho. Porque foi capaz de explicitar no discurso experiências de opressom universais que sentimos maricas , trans e bolheras. As relativas ao silêncio, à necessidade de sobrevivência clandestina num regimem de terror articulado pola dicotomia de gênero. Por isso animamos-vos a ler ou re-ler Epistemology of the Closet: as suas reflexons entorno ao regimem do secreto som um referente desde hai tempo na acçom política das Maribolheras Precárias e na de muitas outras subjectividades do dissenso sexual.
http://en.wikipedia.org/wiki/Eve_Kosofsky_Sedgwick
http://www.hartza.com/sedgwick.htm (texto de Eduardo Nabal)

Havia muito tempo que as maribolhis queríamos ter com nós à Guerrilla Travolaka. Nom defraudarom! Obrigadas a todas as que figerom possível este dia. Às que participastes no jantar, no videoforum, na palestra. A Anabel e a Steve, polo tremendo curro de cozinha e polas delícias que prepararom. À gente da Casa das Atochas, pola sua hospitalidade. A toda a gente do máster de gênero da Universidade de Vigo (Mar, Mina, Alex…) que desde a manhá estavam na Corunha para participar das actividades; a Sande e a Lucia, a Dolo de ACSUR e a Antón Fdez de Rota pola difussom dos actos. A Moncho pola cobertura gráfica e pola disponibilidade à hora de fregar. A Manu pola tremenda ceia que se currou. A Claudio Pato (Calís) polas suas atençons e por abrir-nos a Galeria Sargadelos. E por suposto a Miki e a Marina por compartilhar com nós toda a potencialidade política e a afirmaçom radical da vida da Guerrilla Travolaka. Obrigadas a todas e a todos.

Animamos-vos a todas e todos a começar o trabalho de redes para unir-nos às mobilizaçons internacionais de outubro pola despsiquiatrizaçom da transsexualidade. Isto é só o começo!