MariBolheras Precárias

EStes som os outros datos , nom os atoparás em titulares nos meios já que para eles tanto o voto nulo como o voto em branco nom tenhem relevancia, e a abstençom é algo circuntancial que depende do tempo e outros factores que nom acertam a dizer, pero encontramo-nos que cerca dum millom (977.322) de abstencions querem dizer algo mais, de feito a abstençom e a ganhadora destas eleiçoms por riba de qualquer partido político em qualquera das provincias galegas.

Merecem especial atençom os datos de Redondela onde o voto nulo sacou um 10% do total de votos, parabens à candidatura de vizinhos de Redondela polo voto nulo! Na cidade da Corunha sacaronse 755 votos nulos no 2007, alguns deles maribolheros, fronte aos case 900 votos nulos no 2003, tendo en conta que no 2003 o tema do prestige e a guerra ajudaron ao voto nulo, nom estam mal. A diferença das maquinárias dos partidos políticos, nom nos interessa o quantitativo, o número de votos. Nós somos umha maquinária generadora de desejos.

O resenhável, o qualitativo é que parte desse voto nulo é um voto anómalo, queer; constituido como singular expressom dum pequeno espaço antagonista, mestiço, rebelde, novidoso e de múltiplas caras na cidade corunhesa. Um espaço social de fronteiras difusas e de múltiplas realidades, vibrante, que nos últimos anos tem ensaiado desde a diversidade diferentes experiências de projectos colectivos.

Um espaço social heterogêneo (em ritmos, identidades e activismos) que pratica a democracia directa atravês das redes, projectos sociais e culturais -autogestiondados- construidos na nossa visda cotiá. Um espaço social constituido por gentes e afectos que, frente à representatividade, frente às políticas tradicionais e os velhos sistemas de partidos, trata de inventar novas formas de intervençom política, nova formas de relaçons sociais.

obrigadas as que participarom com nos de umha forma festiva e activa coa nossa proposta do voto nulo!